३ महिन्यांत १० बॅटऱ्या चोरल्या; आरोपी जेरबंद — ५५ हजारांचा मुद्देमाल हस्तगत**
सातारा | प्रतिनिधी
शहरातल्या चारचाकी वाहनांच्या बॅटऱ्यांवर डल्ला मारणाऱ्या एका सिरीयल बॅटरी चोराला शाहूपुरी पोलिसांनी शेवटी गजाआड करून नागरिकांनी सुटकेचा निश्वास टाकला आहे. गेल्या तीन महिन्यांपासून वाढेफाटा–करंजे परिसरात उभ्या असणाऱ्या गाड्यांमधील बॅटऱ्या चोरून नागरिकांना हैराण करणाऱ्या या चोराकडून तब्बल ५५ हजार रुपये किंमतीच्या १० बॅटऱ्या पोलिसांनी हस्तगत केल्या आहेत.
फिर्याद दाखल… आणि शाहूपुरी पोलीस सतर्क
६ नोव्हेंबर २०२४ रोजी रमेश शेडगे (वय ३९, रा. करंजेपेठ, सातारा) यांनी शाहूपुरी पोलीस ठाण्यात फिर्याद दिली होती.
५ नोव्हेंबरच्या रात्री १०.३० ते ६ नोव्हेंबरच्या सकाळी ८.३० दरम्यान झेडपी कॉलनी, म्हसवे रोड येथून अमोल गार्डे यांच्या घरासमोर उभ्या ट्रकवरील अमरोन कंपनीच्या दोन बॅटऱ्या (किंमत १५,000/-) चोरट्यांनी पळवल्या होत्या.
गुन्हा दाखल झाल्यानंतर पोलीस निरीक्षक सचिन म्हेत्रे यांनी तात्काळ शोध मोहीम सुरू केली. दरम्यान गुप्त बातमीदाराच्या माहितीवरून संशय आरोपीवर गेला आणि पोलिसांनी कौशल्यपूर्ण सापळा रचत त्याला पकडून ताब्यात घेतले.
विचारपुसीत थरारक कबुली — “३ महिन्यांत १० बॅटऱ्या चोरल्या!”
चौकशीत आरोपीने कबूल केले की, वाढेफाटा आणि करंजे परिसरात गेल्या तीन महिन्यांत उभ्या असलेल्या चारचाकी वाहनांमधून त्याने सलग बॅटऱ्या चोरल्या.
त्याच्याकडून एकूण १० बॅटऱ्या —
- फिर्यादीतल्या २ बॅटऱ्या,
- आणि इतर गाड्यांच्या ८ बॅटऱ्या
असा एकूण ५५,००० रुपये किंमतीचा मुद्देमाल शाहूपुरी पोलिसांनी हस्तगत केला आहे.
अखेर संपला ‘बॅटरी चोराचा’ खेळ
ही कारवाई सातारा पोलीस अधीक्षक तुषार दोशी, अपर पोलीस अधीक्षक वैशाली कडूकर, उपविभागीय पोलीस अधिकारी राजीव नवले यांच्या मार्गदर्शनाखाली करण्यात आली.
तपास पथकात PI सचिन म्हेत्रे, PSI विजय शिर्के, हवालदार सोनाली माने, निलेश काटकर, सुरेश घोडके, संदिप मदने यांनी सक्रिय सहभाग घेतला.
दरम्यान, आरोपीविरुद्ध आणखी गुन्हे उघड होण्याची शक्यता असून पुढील तपास हवा. सोनाली माने करत आहेत.
.
