सातारा :
सातारा जिल्ह्याचे ज्येष्ठ सर्वेयर आणि वॅल्यूएटर श्री. एस.बी. नवले यांची IIISLA (The Indian Institute of Insurance Surveyors and Loss Assessors) या सर्वेयर संघटनेच्या महाराष्ट्र राज्य कार्यकारिणी सदस्यपदी नुकतीच निवड झाली. या यशस्वी निवडीबद्दल त्यांच्या मित्र परिवारातर्फे भव्य सत्कार समारंभाचे आयोजन करण्यात आले.
श्री. नवले हे गेली ३५ वर्षे सातारा येथे गव्हर्नमेंट सर्वेयर व वॅल्यूएटर म्हणून कार्यरत असून, भारत सरकारच्या अंगीकृत चारही विमा कंपन्यांच्या तसेच विविध खासगी विमा कंपन्यांच्या पॅनलवर त्यांच्या सेवा उपलब्ध आहेत. ‘नवले असोसिएट्स’ च्या माध्यमातून त्यांनी पुणे व पश्चिम महाराष्ट्रात दर्जेदार, पारदर्शक आणि निष्ठावान सेवा दिल्यामुळे विमा क्षेत्रात त्यांचे नाव अत्यंत सन्मानाने घेतले जाते.
या सत्कारप्रसंगी प्रमुख पाहुण्या न्यू इंडिया इन्शुरन्सच्या विभागीय व्यवस्थापक श्रीमती पल्लवी वाघमारे म्हणाल्या,
“नवले सरांनी गेली अनेक दशके अत्यंत प्रामाणिकपणे सेवा दिली असून, ही निवड म्हणजे त्यांच्या कार्यनिष्ठेचा योग्य सन्मान आहे.”
ओरिएंटल इन्शुरन्सचे श्री. अभिषेक शेंडेकर यांनी शुभेच्छा देताना सांगितले,
“श्री. नवले यांच्याकडे नेतृत्वगुण असून, भविष्यात त्यांना अजून मोठ्या जबाबदाऱ्या मिळोत हीच आमची सदिच्छा.”
या सोहळ्यात सातारा व कराड येथील सर्वेयर बंधु, चारही सरकारी विमा कंपन्यांचे वरिष्ठ अधिकारी, विकास अधिकारी, प्रशासकीय अधिकारी, तसेच खासगी विमा कंपन्यांचे प्रतिनिधी मोठ्या संख्येने उपस्थित होते.
कार्यक्रमात श्री. नवले यांच्या निःस्वार्थ सेवाभावना, स्पष्टवक्तेपणा आणि उद्योगक्षेत्रातील योगदानाची सर्वत्र प्रशंसा झाली.
कार्यक्रमाचा समारोप, “माणूस म्हणून मोठं होणं हेच खरं यश,” या भावस्पर्शी उद्गारांसह झाला.
💐 श्री. एस.बी. नवले यांना पुढील वाटचालीसाठी हार्दिक शुभेच्छा!
