धक्कादायक! मार्ली-भालेघर रस्ता पुन्हा खचला – जावळी तालुक्यात वाहतुकीचा मोठा धोका!
जावळी तालुक्यातील महत्त्वाकांक्षी मार्ली-भालेघर रस्ता पुन्हा एकदा खचला असून, या रस्त्यावरून प्रवास करणं नागरिकांसाठी जीव मुठीत धरून करण्यासारखं बनलं आहे.
गेल्या महिनाभरापासून सुरू असलेल्या मुसळधार पावसामुळे या परिसरातील जमिनी खचू लागल्याचं दिसून येत आहे. विशेष म्हणजे, यांत्रिकीकरणाचा वापर करून मोठ्या प्रमाणावर रस्त्याचे रुंदीकरण आणि साईड पट्ट्यांचे काम पूर्ण करण्यात आले होते. पण निसर्गाच्या कोपापुढे हे सर्व अपुरं ठरल्याचं चित्र समोर आलं आहे.
📍 नागरिकांमध्ये भीतीचं वातावरण:
मार्ली-भालेघर रस्त्याच्या बाजूने जमीन सरकत असल्याने शेतकरी आणि स्थानिक नागरिकांमध्ये भीतीचे वातावरण निर्माण झाले आहे. अनेक ठिकाणी रस्ता पूर्णतः खचल्याचे दृश्य पाहायला मिळत असून, यामुळे वाहतूक पूर्णतः धोकादायक बनली आहे.
🌾 शेतकऱ्यांची चिंता वाढली:
या रस्त्यालगतची शेतीची जमीन देखील हळूहळू खचू लागली आहे. या भागातील शेतकऱ्यांनी “जमीन आणखी खचली, तर आमचं मोठं नुकसान होईल” अशी चिंता व्यक्त केली आहे. त्यामुळे या भागात पंचनामे करून तात्काळ मदत देण्याची गरज निर्माण झाली आहे.
🛑 प्रशासनाच्या भूमिकेवर प्रश्नचिन्ह!
स्थानिक शेतकरी आणि ग्रामस्थांनी प्रशासनाकडे मागणी केली आहे की,
“तपासणी करून, रस्त्यालगतची खचणारी जमीन का खचते आहे, याचं कारण शोधावं. आणि योग्य त्या उपाययोजना तात्काळ राबवाव्यात.”
या भागात डांबरीकरण केलेल्या रस्त्याच्या बाजूची जमीन का खचते आहे, हा देखील एक संशोधनाचा विषय बनला आहे.
🆘 साताऱ्यातील प्रशासन, सार्वजनिक बांधकाम विभाग व आपत्ती व्यवस्थापन विभाग यांच्याकडून तातडीने कारवाई अपेक्षित आहे.
प्रशासनाने वेळेवर लक्ष न दिल्यास, हा रस्ता आणि परिसर आणखी गंभीर संकटात सापडू शकतो!
