🟥 “मेढ्यात चिकन दुकानातून दारू जप्त – विलासबाबा जवळ यांच्या कारवाईने प्रशासनाला हादरा!”

दारूबंदीचा जावळी तालुक्यात > अवैद्य दारू विक्रीचा झंझावात! मेढा येथे चिकन दुकानातून दारू जप्त – व्यसनमुक्त संघटना महाराष्ट्र अध्यक्ष विलासबाबा जवळ यांची थेट कारवाई!
दारूविक्रीवर धडक कारवाई – विक्रेता पळून गेला!

मेढा गावातील वनविभाग कार्यालयाच्या कंपाउंडला लागून असलेल्या चिकन दुकानात दारू विक्री सुरू असल्याची माहिती मिळताच दारूबंदी चळवळीचे कार्यकर्ते आणि व्यसनमुक्त युवक संघाचे मार्गदर्शक विलासबाबा जवळ यांनी सकाळीच धाड टाकली. एक ग्राहकाला दारू देताना दारू विक्रेत्याला रंगेहात पकडण्याचा प्रयत्न केला. मात्र, विलासबाबा दुकानात पोहोचण्यापूर्वीच विक्रेता पळून गेला.
पण ग्राहक तिथेच होता… आणि संपूर्ण प्रकार चित्रीत करण्यात आला.

विलासबाबा जवळ यांनी दुकानाजवळच असलेल्या पांढऱ्या पिशवीत सुमारे ४० दारूच्या बाटल्या शोधून काढल्या आणि त्याचे व्हिडिओ चित्रीकरणही केलं. व्यसनमुक्त संघटनेचे महाराष्ट्राचे अध्यक्ष
विलासबाबा स्वतः रस्त्यावर उतरून कारवाई करत आहेत… आणि दुसरीकडे प्रशासन मात्र निद्रिस्त?
उत्पादन शुल्क आणि पोलिस खात्याच्या निष्क्रियतेवर पुन्हा एकदा प्रश्नचिन्ह निर्माण झालं आहे.