🎉 वाढदिवस नाही, उपक्रम हवा…! समाजासाठी सौरभ शिंदे यांचा भावनिक संदेश
नवी मुंबई (प्रतिनिधी):इम्तियाज मुजावर
“वाढदिवसाच्या शुभेच्छांपेक्षा गरजूंना मदत हीच खरी भेट…”
जावळी तालुक्यातील राजकीय, सामाजिक क्षेत्रात कार्यरत असलेले सौरभ ऋषिकांतजी शिंदे यांनी आपल्या वाढदिवसानिमित्त एक भावनिक आणि सामाजिकदृष्ट्या प्रेरणादायी संदेश दिला आहे.
यंदाचा वाढदिवस कोणताही सोहळा, उत्सव, बॅनर, पोस्टर, जाहिरात न करता पूर्णपणे समाजासाठी समर्पित करण्याचा निर्णय सौरभ शिंदे यांनी घेतला आहे. ते या दिवशी नवी मुंबईत उपस्थित राहणार नाहीत. मात्र त्यांच्या या अनुपस्थितीतही त्यांनी आपल्या हितचिंतकांना एक मोठा सामाजिक संदेश दिला आहे.
“वाढदिवशी खर्च नको, समाजोपयोगी कार्य हवे!”
सौरभ शिंदे यांनी आपल्या संदेशात म्हटलंय –
“माझ्या सर्व हितचिंतक आणि मित्रमंडळींना मनःपूर्वक विनंती आहे की, वाढदिवसाच्या निमित्ताने बॅनर, पोस्टर लावण्याऐवजी एखादं समाजोपयोगी काम करा.
एखाद्या वृद्धाश्रमात वृद्धांना आनंद द्या, एखाद्या अनाथ मुलाला शिक्षण साहित्य द्या, एखाद्या गरजू कुटुंबाला जीवनावश्यक वस्तू पुरवा. तुमचा हा उपक्रमच माझ्यासाठी सर्वात मोठा सन्मान ठरेल.“
नेतृत्व म्हणजे ‘दिखाव्यात’ नव्हे, ‘दायित्वात’ असतो
या संदेशातून शिंदे यांनी लोकांसमोर एक वेगळं आणि प्रगल्भ नेतृत्वाचं उदाहरण ठेवलं आहे. उत्सवाच्या गोंगाटात हरवलेल्या सामाजिक भानाला त्यांनी प्रखरपणे जागं केलंय.
त्यांच्या म्हणण्यानुसार – “तुमचे प्रेम, आशीर्वाद आणि विश्वासच माझी खरी प्रेरणा आहे.“
हे शब्द केवळ एक औपचारिक विधान नसून, कार्यकर्ते आणि जनतेशी असलेल्या त्यांच्या नात्याचं प्रतिक आहेत.
एक संदेश… अनेक मनांवर उमटलेली ठसठशीत छाप
शिंदेंच्या या विनंतीनंतर अनेक कार्यकर्ते आणि मित्रमंडळींनी समाजोपयोगी उपक्रम हाती घेण्याची तयारी दर्शवली आहे. काहींनी वृद्धाश्रम भेटीचे आयोजन सुरू केलं आहे, तर काहींनी अनाथ मुलांसाठी शैक्षणिक साहित्य गोळा करण्यास सुरुवात केली आहे.
नवा आदर्श – ‘सोहळा नको, सेवा हवी!’
सामाजिक आणि राजकीय क्षेत्रात काम करणाऱ्या नव्या पिढीतील नेत्यांनी दाखवायचा नाही तर समाजासाठी करायचं या भूमिकेचा आदर्श घालून दिला आहे.
सौरभ शिंदे यांचा हा विचारपूर्वक निर्णय अनेकांना अंतर्मुख करणारा आणि सामाजिक भान जागवणारा ठरत आहे.
