मेढा पोलिसांची मोठी कारवाई: घरफोडी करणाऱ्या आरोपीला अटक, ६,३००/- किमतीचा मुद्देमाल जप्त
सातारा: 1 फेब्रुवारी 2025
मेढा पोलिसांनी घरफोडीच्या गुन्ह्यात महत्त्वपूर्ण कारवाई केली असून, आरोपीला जेरबंद करून त्याचेकडून ६,३००/- रुपयांचा मुद्देमाल हस्तगत केला आहे. सहाय्यक पोलीस निरीक्षक श्री. सुधीर पाटील यांच्या मार्गदर्शनाखाली पोलिसांनी गुन्ह्याचा उलगडा करून आरोपीला ताब्यात घेतले.
दि. २३ जानेवारी २०२५ रोजी रात्री सायगांव (ता. जावली) येथील एक दुकानात चोरी झाली होती. अज्ञात चोरट्याने दुकानाच्या कुलुपाचे तोडफोड करून रोख रक्कम आणि मोबाईल फोनसह इतर मुद्देमाल चोरला होता. मेढा पोलिसांनी दिलेल्या सूचनांच्या आधारे तपास सुरु केला आणि माहितीच्या आधारे आरोपी आदित्य विकास चव्हाण (वय २०) याला अटक केली. त्याच्याकडून ६,३००/- रुपयांचा मुद्देमाल जप्त करण्यात आला.
पोलीस अधीक्षक श्री. समीर शेख, अप्पर पोलीस अधीक्षक श्रीमती वैशाली कडुकर आणि उपविभागीय पोलीस अधिकारी बाळासाहेब भालचिम यांच्या मार्गदर्शनाखाली ही कारवाई केली गेली. पोलिसांच्या यशस्वी तपास व कार्यवाहीचे सर्व संबंधित अधिकाऱ्यांचे अभिनंदन करण्यात आले आहे.
