वाई तालुक्यातील छोटू महाराज थिएटरमध्ये ‘पुष्पा टू’ चे आकर्षण
वाई: वाई तालुक्यातील वेळे येथील छोटू महाराज डिजिटल थिएटरमध्ये 6 डिसेंबर रोजी ‘पुष्पा टू’ चित्रपट प्रदर्शित होणार आहे. या चित्रपटाच्या प्रदर्शनामुळे संपूर्ण सातारा जिल्ह्यात उत्साहाचे वातावरण आहे. सातारा जिल्ह्यातील अनेक युवकांच्या पसंतीचा चित्रपटगृह असलेले छोटू महाराज थिएटर, आता ‘पुष्पा टू’ चित्रपटाच्या प्रदर्शनामुळे आणखी चर्चेत आहे.
चित्रपटगृहाच्या आलिशान वातानुकूलित सुविधांमध्ये एक नवीन आकर्षण समाविष्ट झालं आहे. आराम हॉटेल उद्योग समूहाने छोटू महाराज थिएटरमध्ये उच्च दर्जाच्या आसन व्यवस्था, डिजिटल स्क्रीन आणि अल्ट्रासाउंड इफेक्टसह प्रेक्षकांना एक अविस्मरणीय अनुभव देण्याची तयारी केली आहे. हे चित्रपटगृह पुणे-मुंबईच्या दर्जासमान आधुनिक कॅफे व रेस्टॉरंट सुविधांमुळे खासकरून युवकांना आकर्षित करत आहे.
‘पुष्पा टू’ चित्रपटाच्या फर्स्ट डे फर्स्ट शो साठी तिकीट बुकिंग हाऊसफुल होऊ लागले आहे, आणि पुढील दोन आठवड्यांपर्यंत छोटू महाराज थिएटर युवा वर्गाच्या पहिल्या पसंतीचे चित्रपटगृह ठरले आहे. इफेक्टिव्ह डिजिटल डी स्क्रीन आणि डीजे साऊंड सिस्टीममुळे, प्रेक्षकांना एक अत्याधुनिक सिनेमा अनुभव मिळणार आहे.
सातारा जिल्ह्यातील सर्वाधिक चर्चेत असलेले छोटू महाराज थिएटर आता ‘पुष्पा टू’ च्या माध्यमातून एक नवा मानक स्थापित करत आहे. त्यामुळे, जर तुम्हाला या चित्रपटाचा प्रभावी अनुभव घ्यायचा असेल, तर लवकरच तिकीट बुक करा आणि छोटू महाराज थिएटरमध्ये या खास सिनेमाचा आनंद घ्या.
