🔥ना. शिवेंद्रसिंहराजेंचे निष्ठावान कट्टर कार्यकर्ते शुभम महामुलकर – समाजकारणात तळागाळातील धडाडीचे नाव! 🔥

तळागाळातील कार्यकर्त्यांचा आधारस्तंभ – शुभम महामुलकर

(कुडाळ इम्तियाज मुजावर यांच्या लेखणीतून):…. आजचा दिवस खास आहे कारण आज आपल्या मित्रवत, डॅशिंग, प्रेमळ, मनमिळाऊ आणि नेहमी धावपळ करणाऱ्या सामाजिक कार्यकर्ते श्री. शुभम महामुलकर यांचा वाढदिवस आहे.

भिवडी (ता. जावळी) हे जन्मगाव, तर बी.एस्सी. केमिस्ट्रीचे शिक्षण मेढा येथील आमदार शशिकांत शिंदे महाविद्यालयात घेऊन ज्ञानाची भक्कम पायाभरणी केल्यानंतर शुभम यांनी समाजकारणाच्या मैदानात पाऊल टाकले. शिक्षणाबरोबरच मैत्रीधर्म पाळत, मित्रांच्या हाकेला धावून जाणे, गरिब-शेतकरी कष्टकरी लोकांना मदत करणे, अन्नदान करणे, सामाजिक कार्यक्रमांत सक्रिय राहणे या कार्यामुळे शुभम महामुलकर यांना समाजात एक वेगळी ओळख निर्माण झाली आहे.

शुभम हे केवळ मित्रांचे मित्र नाहीत तर “मैत्रीच्या दुनियेतील राजा” म्हणून त्यांची प्रतिमा आहे. गावात कोणत्याही व्यक्तीला मदतीची गरज भासली, तर पहिला धावून जाणारा माणूस म्हणजे शुभम.

राजकारणात आणि समाजकारणात आपला आदर्श शिवेंद्रसिंहराजे भोसले यांना मानणारा, “राजे बोलतील ते शब्द, राजे बोलतील ते प्रमाण” असा निष्ठावान कार्यकर्ता म्हणून शुभम यांची ओळख जावळी तालुक्यात निर्माण झाली आहे. बाबाराजे आणि सौरभ बाबा शिंदे यांच्या नेतृत्वाखाली, तसेच प्रतापगड सहकारी साखर कारखान्याचे संस्थापक चेअरमन स्व. राजेंद्र शिंदे यांच्या पायाभरणीवर उभे असलेले कार्यक्षेत्र आज शुभम सारख्या तरुण कार्यकर्त्यांमुळे अधिक सक्षम होत आहे.

गोरगरिबांच्या मदतीपासून ते बाबाराजेंचे विचार घराघरापर्यंत पोहोचवण्यापर्यंत शुभम कायमच तळमळीने, निष्ठेने आणि जिद्दीने काम करत आहेत. त्यांची धडपड, त्यांचा उत्साह आणि त्यांच्या चेहऱ्यावरचं हास्य समाजाला नेहमी प्रेरणा देत असतं.

आज त्यांच्या वाढदिवसानिमित्त –
👉 मित्रमंडळींमध्ये,
👉 सामाजिक कार्यकर्त्यांमध्ये,
👉 राजकीय वर्तुळात
शुभम महामुलकर यांचं नाव अभिमानाने घेतलं जात आहे.

“एक तळागाळातून वर आलेला, निष्ठावान, जिद्दी, प्रामाणिक आणि मित्रांचा खरा साथीदार म्हणजे शुभम महामुलकर!”

🎂💐 शुभम, तुला वाढदिवसाच्या खूप खूप शुभेच्छा!
तुझं आयुष्य आनंदी, उत्साही आणि समाजकारणाच्या क्षेत्रात अधिकाधिक यशस्वी होवो हीच प्रार्थना!

–