सातारा (प्रतिनिधी) — सातारा जिल्हा पुन्हा एकदा पोलिसांच्या अचूक तपास कौशल्याने दणाणला आहे! सासपडे गावात अल्पवयीन मुलीचा खून करणारा आरोपी राहुल बबन यादव (रा. सासपडे) यानेच आणखी एका मुलीवर लैंगिक अत्याचार करून तिचा खून केल्याचा धक्कादायक खुलासा तपासादरम्यान झाला आहे.
स्थानिक गुन्हे शाखेचा अचूक तपास — दुहेरी खुनाचा गूढ उलगडले!
दि. १० ऑक्टोबर रोजी सासपड्यात अल्पवयीन मुलगी स्वतःच्या घरात रक्ताच्या थारोळ्यात सापडल्याने परिसर हादरला होता. प्रकरणाचे गांभीर्य लक्षात घेऊन पोलीस अधीक्षक तुषार दोशी, अप्पर पोलीस अधीक्षक डॉ. वैशाली कडुकर, व उपविभागीय अधिकारी श्री. सांवत यांनी तपासाची सूत्रं स्थानिक गुन्हे शाखेचे निरीक्षक अरुण देवकर आणि सहायक पोलीस निरीक्षक धोंडीराम वाळवेकर (बोरगाव ठाणे) यांच्या हातात दिली.
तपास पथकाने साक्षीदार चौकशी, तांत्रिक विश्लेषण आणि सातत्यपूर्ण तपासाद्वारे आरोपीपर्यंत पोहोचून त्याच्याकडून खुनाची कबुली मिळवली. त्याच चौकशीत त्याने आणखी एका मुलीचा लैंगिक अत्याचारानंतर खून केल्याचं मान्य केलं.
न्यायाच्या दारी खूनी — सातारा पोलिसांची ठोस कारवाई!
या कबुलीनंतर आधीच दाखल असलेल्या प्रकरणात कलम ३०२, ३७६, २०१ ची भर घालून आरोपीला पुन्हा अटक करण्यात आली आहे. ही कारवाई पोलीस अधीक्षक तुषार दोशी यांच्या मार्गदर्शनाखाली, निरीक्षक अरुण देवकर (स्थानिक गुन्हे शाखा, सातारा) यांच्या नेतृत्वाखाली करण्यात आली.
करडी नजर आणि ठोस तपास — सातारा पोलिसांचा दबदबा पुन्हा सिद्ध!
दोन भयंकर खुनांच्या गाठी सुटवून आरोपीला अटक करून न्यायालयीन कोठडी मिळवणं हे सातारा पोलिसांच्या उत्कृष्ट तपास क्षमतेचं आणि चिकाटीचं प्रतिक आहे.
“
