–
महाबळेश्वरच्या संवेदनशील जंगलात प्रदूषणाचा स्फोट! पर्यावरणप्रेमींचा सवाल — प्रशासन नेमकं करतंय तरी काय?
हॉटेल रिगलजवळ जंगलात मैलायुक्त पाण्याची सोडवणूक — वन्यजीव व पर्यावरण धोक्यात!
महाबळेश्वर (जि. सातारा) —
महाबळेश्वरसारख्या केंद्रीय पर्यावरणदृष्ट्या संवेदनशील क्षेत्रात पावसाळ्याच्या सुरुवातीलाच जंगलातील नैसर्गिक ओढ्यांमध्ये प्रदूषित, मैलायुक्त पाणी सोडल्याचा गंभीर प्रकार उघड झाला आहे. सेक्टर दोनमधील हॉटेल रिगलच्या शेजारी असलेल्या शासकीय जंगलात हा प्रकार घडला असून, परिसरात मोठ्या प्रमाणात दुर्गंधी पसरली आहे.
या संदर्भात पर्यावरणप्रेमी सुर्यकांत पांचाळ यांनी प्रशासनाच्या भूमिकेवर गंभीर प्रश्नचिन्ह उपस्थित केले असून, नगरपालिका, वनविभाग, तहसील कार्यालय व प्रदूषण नियंत्रण मंडळ नेमकं काय करतंय? असा थेट सवाल केला आहे.
📌 मुख्य मुद्दे :
🔹 हॉटेल रिगलजवळील जंगलात मैलायुक्त पाणी सोडले गेल्याचा आरोप
🔹 मुंबई उच्च न्यायालयाचे आदेश व केंद्रीय पर्यावरण नियमांची पायमल्ली
🔹 नागरिकांना दुर्गंधीचा त्रास, वन्यजीवांच्या आरोग्यावर धोका
🔹 वेण्णा तलाव परिसरातील पिण्याच्या पाण्याच्या स्त्रोतावरही प्रश्नचिन्ह
🔹 संबंधित विभागांनी अद्याप कोणतीही ठोस कारवाई न केल्याची माहिती
🗣 “कुंपणच शेत खाण्याची स्थिती” — सुर्यकांत पांचाळ यांचा संताप
पर्यावरण प्रेमी सुर्यकांत पांचाळ यांनी सांगितले की, “जंगलात प्रदूषित पाणी सोडणं म्हणजे फक्त पर्यावरणाचं नव्हे तर सार्वजनिक आरोग्याचंही घातक संकट आहे. उच्च न्यायालयाच्या आदेशाचा स्पष्ट उल्लंघन करतानाही प्रशासन गप्प आहे. ही ‘तेरी भी चुप, मेरी भी चुप’ वृत्ती म्हणजे कुंपणच शेत खातंय, असं दिसतंय.”
🌊 वेण्णा नदीचे प्रदूषण — पूर्वीचा इशारा दुर्लक्षित?
एप्रिल २०२५ मध्ये वेण्णा तलाव व नदी प्रदूषणाची बातमी प्रसिद्ध झाल्यानंतरही स्थानिक प्रशासनाने कोणतीही ठोस सुधारणा केली नाही. तलाव परिसरात असणाऱ्या हॉटेल्स आणि इतर व्यवसायिक इमारतींनी मैलापाणी शुद्धीकरण यंत्रणा बसवल्या आहेत की नाही? आणि कार्यान्वित आहेत का? याची अद्याप चौकशी झालेली नाही.
⚠️ पांचाळ यांची मागणी — तात्काळ संयुक्त तपासपथक नेमावं
सुर्यकांत पांचाळ यांनी मुख्यमंत्री, पर्यावरण मंत्री, प्रधान सचिव, जिल्हाधिकारी सातारा यांच्याकडे मागणी केली आहे की:
📌 हॉटेल रिगल परिसर व वेण्णा तलाव परिसरातील सांडपाणी यंत्रणा तपासाव्यात
📌 यंत्रणा नसेल तर ती बसवण्यासाठी आदेश द्यावेत
📌 दोषी अधिकाऱ्यांवर व संबंधितांवर कायदेशीर कारवाई करावी
📌 संयुक्त पथक स्थापन करून प्रत्यक्ष पाहणी अहवाल सादर करावा
🚨 सार्वजनिक हिताच्या या गंभीर मुद्द्यावर प्रशासन गप्प का?
या प्रकरणावर अद्याप नगरपालिका, वनविभाग, प्रदूषण नियंत्रण मंडळ वा तहसील कार्यालयाकडून कोणतीही अधिकृत प्रतिक्रिया आलेली नाही. नागरिक व पर्यावरणप्रेमींनी या विषयाकडे तातडीने लक्ष देण्याची गरज आहे.
