सातारा प्रतिनिधी इम्तियाज मुजावर
राजकारणात पदं असतात, जबाबदाऱ्या असतात, पण नातं माणसांचं असावं लागतं! — आणि हेच पुन्हा एकदा सिद्ध केलं आहे ग्रामविकास व पंचायतराज मंत्री तथा सोलापूर जिल्ह्याचे पालकमंत्री जयकुमार गोरे (भाऊ) यांनी.
सोमवार, 16 जून रोजी विरकरवाडी (म्हसवड) येथील जिल्हा परिषद शाळेच्या स्वागत समारंभात सहभागी झाल्यानंतर जयकुमार गोरे नियोजित कार्यक्रमासाठी सोलापूरकडे रवाना होत होते. मात्र, वाटेतील एक ‘मनाचा थांबा’ त्यांनी आवर्जून घेतला.
युवानेते लुनेश विरकर यांच्या निवासस्थानी थेट पोहोचून त्यांनी त्यांच्या आईंची तब्येतीची विचारपूस केली. केवळ औपचारिक चौकशी नव्हे, तर एक स्नेहभाव, आपुलकी आणि आपत्तीच्या क्षणी माणूस म्हणून उभं राहण्याचा एक सच्चा प्रयत्न होता तो.
🗣️ “मंत्री आहेत, पण आमचे भाऊही आहेत…”
जयकुमार गोरे यांचं हे वागणं त्यांच्या सहकाऱ्यांमधील प्रत्येक कार्यकर्त्याच्या मनाला भिडलेलं आहे. त्यांच्या मते,
“जयकुमार गोरे हे केवळ मंत्री नाहीत, तर आमचं कुटुंब आहेत. आमच्या सुख-दुःखात जेव्हा कोणी मंत्री नव्हे, तर माणूस म्हणून सहभागी होतो, तेव्हा त्या भेटीला खऱ्या अर्थानं ‘नेतृत्व’ मिळतं.“
💬 “कार्यकर्ता म्हणजे कुटुंब!”
जयकुमार गोरे अनेकदा म्हणतात, “माझा प्रत्येक सहकारी, मित्र, कार्यकर्ता हा माझ्या कुटुंबाचा भाग आहे.”
आणि हे शब्द त्यांनी पुन्हा कृतीतून जगून दाखवलं.
या भेटीने राजकीय प्रवासातली लपलेली खरी माणुसकी उघड झाली आहे — ज्यात पद, हुद्दा, प्रचार यांपेक्षा आपुलकीचं स्थान मोठं आहे.
❤️ “ही होती माणुसकीची भेट…”
विरकरवाडीच्या लहानशा घरी, आईच्या डोळ्यांत आलेलं आश्चर्य, आणि जयकुमार गोरे यांच्या हातातली आपुलकी — या दोन क्षणांत राजकारण कुठेच नव्हतं, फक्त नातं होतं.
