साताऱ्याच्या पत्रकारितेतील विश्वासाचं नाव – ओंकार कदम
सातारा—इम्तियाज मुजावर
पत्रकारिता म्हणजे केवळ बातमी देणं नाही, तर समाजाचा आरसा बनून सत्य निर्भीडपणे मांडणं होय. ही जबाबदारी शांतपणे, संयमीपणे आणि प्रभावीपणे पार पाडणारे व्यक्तिमत्त्व म्हणजे साम टीव्हीचे सातारा जिल्हा प्रतिनिधी ओंकार कदम. आज त्यांच्या वाढदिवसानिमित्त सातारा जिल्ह्यातील सामाजिक, राजकीय, प्रशासकीय आणि पत्रकारिता क्षेत्रातून शुभेच्छांचा अक्षरशः वर्षाव होत आहे.
ओंकार कदम हे केवळ पत्रकार नाहीत, तर समन्वयाचा सेतू आहेत. सामाजिक प्रश्न असो वा राजकीय घडामोडी, प्रशासनातील निर्णय असोत वा सामान्य माणसाच्या व्यथा — प्रत्येक घटकाची मन की बात विश्वासाने त्यांच्या कानावर पोहोचते. ही विश्वासार्हता त्यांनी एका दिवसात कमावलेली नसून, वर्षानुवर्षांच्या प्रामाणिक कामातून त्यांनी ती मिळवली आहे.
शांत स्वभाव, संयमी विचारसरणी आणि अत्यंत प्रभावी वक्तृत्व ही त्यांची ओळख आहे. कोणताही विषय असो, तो अभ्यासपूर्ण मांडणीसह, तथ्यांच्या आधारे आणि संतुलित भाषेत सादर करणे, ही त्यांची खासियत आहे. त्यामुळेच सातारा जिल्ह्यातील नेते, अधिकारी, कर्मचारी तसेच सामाजिक कार्यकर्ते ओंकार कदम यांच्याकडे विश्वासाने पाहतात.
पत्रकारितेत स्पर्धा असते, मतभेद असतात; मात्र ओंकार कदम यांच्याबाबत ‘अजातशत्रू’ ही उपाधी सार्थ ठरते. कायम चेहऱ्यावर हास्य, भेटणाऱ्या प्रत्येकाला नमस्कार, संवादात आपुलकी आणि वागण्यात संस्कार — हे गुण त्यांना वेगळं स्थान देतात. त्यामुळेच रिजनल चॅनलच्या पत्रकारांमध्ये ते अग्रगण्य मानले जातात.
साम टीव्हीच्या माध्यमातून त्यांनी सातारा जिल्ह्यातील अनेक प्रश्नांना वाचा फोडली. सामान्य नागरिकांच्या समस्या शासन दरबारी पोहोचवताना त्यांनी नेहमीच संवेदनशीलतेची भूमिका घेतली. बातमीमागे सनसनाटी नव्हे, तर सत्य आणि सामाजिक भान असावे, हा त्यांचा पत्रकारितेचा मंत्र आहे.
विशेष म्हणजे, ते केवळ स्वतःपुरते मर्यादित राहत नाहीत. जिल्ह्यातील सर्व पत्रकारांना एकत्रित ठेवणे, नवोदित पत्रकारांना मार्गदर्शन करणे आणि पत्रकारितेतील सलोखा जपणे, ही जबाबदारीही ते तितक्याच निष्ठेने पार पाडतात. त्यामुळेच “सगळ्यांना सोबत घेऊन चालणारा पत्रकार” अशी त्यांची ओळख निर्माण झाली आहे.
आज त्यांच्या वाढदिवसानिमित्त सर्व स्तरांतून त्यांच्यावर शुभेच्छांचा वर्षाव होत आहे. आई भवानीच्या आशीर्वादाने ओंकार कदम यांना उत्तम आरोग्य, दीर्घायुष्य आणि पत्रकारितेत अजून मोठी उंची गाठण्याची संधी लाभो, हीच सर्वांची मनापासून प्रार्थना आहे.
साताऱ्याच्या पत्रकारितेतील हा विश्वासाचा चेहरा, हीच त्यांची खरी ओळख आहे —
ओंकार कदम.
