पेट्रोल-डिझेलवरील अबकारी करात प्रति लिटर 2 रुपयांची वाढ
नवी दिल्ली
केंद्र सरकारने सर्वसामान्यांना मोठा धक्का दिला आहे. सरकारने पेट्रोल आणि डिझेलवरील उत्पादन शुल्कात प्रति लिटर २ रुपयांची वाढ केली आहे. उत्पादन शुल्क वाढवले अससे तरी त्याचा तुमच्या खिशावर परिणाम होणार नाही. सूत्रांनी दिलेल्या माहितीनुसार, वाढीव उत्पादन शुल्काचा भार तेल कंपन्यांना सोसावा लागेल. गेल्या वर्षी १४ मार्च रोजी सार्वत्रिक निवडणुकीच्या आधी सरकारने पेट्रोल आणि डिझेलच्या किमतीत प्रति लिटर २ रुपयांची कपात केली होती.
या संदर्भात अर्थ मंत्रालयाने एक अधिसूचना जारी केली आहे. यानुसार, पेट्रोलवरील उत्पादन शुल्क आता प्रति लिटर १३ रुपये झाले आहे. त्याच वेळी डिझेलवरील ही शुल्क प्रति लिटर १० रुपये झाले आहे. याचा किरकोळ किमतींवर काय परिणाम होईल हे नमूद केलेले नाही. परंतु उद्योग सूत्रांचे म्हणणे आहे की किरकोळ किमतींमध्ये बदल होण्याची
शक्यता कमी आहे. आंतरराष्ट्रीय बाजारात तेलाच्या किमती घसरल्या आहेत. त्यामुळे पेट्रोल आणि डिझेलचे दर कमी करायला हवे होते. वाढलेले उत्पादन शुल्क त्याच कपातीसोबत समायोजित केले जाईल. नवीन दर ८ एप्रिलपासून लागू होतील.
सोमवारीही कच्च्या तेलाच्या किमतीत घसरण झाली. अमेरिकन बेंचमार्क कच्च्या तेलाचा भाव ४% म्हणजेच २.५० डॉलर्सने घसरून ५९.४९ डॉलर्स प्रति बॅरल झाला. त्याचप्रमाणे, ब्रेंट क्रूड २.२५ डॉलरने घसरून ६३.३३ डॉलर प्रति बॅरलवर आला. गेल्या काही दिवसांत कच्च्या तेलाच्या किमतीत मोठी घसरण झाली आहे. यामुळे तेल कंपन्यांचे रिफायनिंग मार्जिन वाढले आहे. म्हणूनच सरकारने पेट्रोल आणि डिझेलवरील उत्पादन शुल्क वाढवले आहे. भारत हा जगातील तिसरा सर्वात मोठा तेल आयातदार आणि ग्राहक देश आहे. देश आपल्या गरजेच्या ८७% कच्च्या तेलाची आयात करतो.
