💥 “लाखोचा खर्च, शून्य गुणवत्ता — पांचगणी नगरपालिकेच्या कामांचा बुरखा फाटला!” सामाजिक कार्यकर्ते दीपक कांबळे

पांचगणी नगरपालिका प्रशासनाचा बुरखा फाडणारा खुलासा! सामाजिक कार्यकर्ते दीपक प्रभू कांबळे यांनी विचारला आहे

💥 सिडनी पॉईंटवरील सोलर युनिट कोसळलं — लाखो खर्च, दर्जा मात्र शून्य!

पांचगणी | प्रतिनिधी

पांचगणी नगरपरिषदेने पर्यटनस्थळ सिडनी पॉईंट येथे लाखो रुपयांचा खर्च करून सोलर युनिट उभारले. पण वाऱ्याच्या झोताने ते युनिट कोसळले! यामागे कोणतीही नैसर्गिक आपत्ती नाही, तर फक्त आणि फक्त ढिसाळ नियोजन, कमी दर्जाचे साहित्य आणि निष्काळजी प्रशासन जबाबदार आहे. असे दीपक कांबळे यांनी म्हटले आहे

युनिटमध्ये आवश्यक ‘वजन’ कमी असल्याचे प्राथमिक कारण समोर आले आहे. इतक्या मोठ्या खर्चाच्या कामात असा मूलभूत दोष असणे हे आश्चर्यकारकच नव्हे, तर धक्कादायक आहे.

📉 दर्जाहीन कामांचा ढिगारा — आणि नागरिकांचा समता

सोलर युनिट प्रकरण ही केवळ सुरुवात आहे. संपूर्ण पांचगणीत अशा अनेक कामांची उदाहरणं आहेत ज्यात कोट्यवधी रुपये खर्च दाखवून गुणवत्तेचा बोजवारा उडवण्यात आला आहे. रस्ते असोत, लाईटिंग, गटारी, उद्याने… सर्वत्र “काम” नावाखाली “खर्च” आणि “अपयश” यांचा साखळदंड दिसून येतो.

🗣️ “हा पैसा आमचा आहे!” — दीपक प्रभु कांबळे यांचा रोष

पांचगणीतील जागरूक नागरिक दीपक प्रभु कांबळे यांनी या प्रकरणाची वस्तुस्थिती समाजमाध्यमांद्वारे आणि प्रत्यक्ष पाहणीद्वारे समोर आणली. त्यांनी स्पष्ट शब्दांत म्हटले की —

“सत्ताधाऱ्यांनी आणि अधिकाऱ्यांनी हे समजून घ्यावं की, हा पैसा कोणत्याही आमदाराचा, खासदाराचा नाही — हा पैसा जनता म्हणून आमचा आहे, आणि आम्ही त्याचा हिशोब मागणारच!”

आता नागरिकांचे मत स्पष्ट आहे — काम सुरु होण्यापूर्वी आणि पूर्ण झाल्यावर प्रत्यक्ष फोटोज, संपूर्ण खर्चाचा हिशोब, संबंधित कंत्राटदारांची माहिती, याचा तपशील सार्वजनिक व्हावा.

❗”पांचगणीला पारदर्शक आणि जबाबदार प्रशासन कधी मिळणार?”

हा प्रश्न आता प्रत्येक नागरिकाच्या मनात घर करून बसला आहे. अधिकाऱ्यांनी उत्तर द्यावेच लागेल.दीपक प्रभू कांबळे यांचा सवाल