जावळी तालुक्यात विज्ञानाची तीन दिवसांची महापर्वणी — ९, १० आणि ११ डिसेंबरला ५३वे तालुकास्तरीय विज्ञान प्रदर्शन
जावळी, दि. ९ डिसेंबर : जावळी तालुक्यातील विज्ञानप्रेमी विद्यार्थ्यांसाठी, शिक्षकांसाठी आणि नागरिकांसाठी प्रेरणादायी ठरणारे ५३वे तालुकास्तरीय विज्ञान प्रदर्शन २०२५-२६ यावर्षी तीन दिवसांच्या भव्य स्वरूपात भरविण्यात आले आहे. ९, १० आणि ११ डिसेंबर या कालावधीत होणारे हे प्रदर्शन विज्ञान, तंत्रज्ञान, नवसंशोधन आणि सर्जनशीलता यांचा संगम घडवणारे ठरणार आहे.
उद्घाटन – ९ डिसेंबर
९ डिसेंबर रोजी सकाळी ११:३० वाजता झालेल्या दिमाखदार उद्घाटन सोहळ्याने प्रदर्शनाची.होणार आहे
उद्घाटक म्हणून मा. श्री. शशिकांतजी शिंदे, सदस्य विधान परिषद उपस्थित राहणार आहे.
या दिवशी विद्यार्थ्यांनी विविध आकर्षक वैज्ञानिक प्रयोग, कार्यकारी मॉडेल्स, ऊर्जा संवर्धन, पर्यावरण संरक्षण, कृत्रिम बुद्धिमत्ता, हवामान बदल आणि दैनंदिन जीवनातील विज्ञानाचे उपयोग यांवर आधारित प्रकल्प सादर होणार आहे
दुसरा दिवस – १० डिसेंबर
१० डिसेंबर रोजी विविध उपविभागांमध्ये प्रात्यक्षिक सादरीकरणे, तांत्रिक चर्चा आणि विद्यार्थ्यांसाठी ज्ञानवर्धक उपक्रमांचे आयोजन करण्यात आले.आहे
शिक्षक, परीक्षक आणि विविध शैक्षणिक संस्थांच्या प्रतिनिधींनी प्रकल्पांचे मूल्यमापन विद्यार्थ्यांना पुढील स्तरावरील मार्गदर्शन केले जाणार आहे
या दिवशी विद्यार्थ्यांचा उत्साह, मुलांच्या कल्पकतेने जागा उजळून निघेल
समारोप – ११ डिसेंबर
११ डिसेंबर रोजी दुपारी २ वाजता होणाऱ्या समारोप सोहळ्याला मा. नामदार श्रीमंत छत्रपती शिवेंद्रसिंहराजे भोसले अध्यक्ष म्हणून उपस्थित राहणार आहेत.
प्रमुख पाहुण्यांमध्ये मा. श्री. धनंजय चोपडे (शिक्षणाधिकारी – माध्यमिक),
मा. श्री. एल. एन. पवार (सहसचिव – रायच शिक्षण संस्था) आणि प्रख्यात सर्जन मा. डॉ. अवध श्रीधर देसाईपाटील यांचा समावेश आहे.
या दिवशी उत्कृष्ट, अभिनव आणि सामाजिक उपयोगी ठरलेल्या प्रकल्पांना पारितोषिके प्रदान केली जातील.
विद्यार्थ्यांच्या संशोधन प्रवासाला नवी दिशा मिळण्यासाठी हा समारोप सोहळा महत्त्वाचा ठरणार आहे.
९ ते ११ डिसेंबर या तीन दिवसांच्या कालावधीत जावळी तालुका विज्ञानाने उजळून निघणार आहे.
वैज्ञानिक दृष्टिकोन, नवोन्मेष आणि संशोधन संस्कृती जोपासण्यासाठी हे प्रदर्शन अत्यंत महत्त्वाचे ठरणार आहे.
विद्यार्थी, शिक्षक आणि पालकांच्या सहभागामुळे विज्ञानाची ही महापर्वणी संपूर्ण तालुक्यात उत्साहाचे आणि प्रेरणेचे वातावरण निर्माण करत आहे.
.
