सध्याच्या राजकीय व्यवस्थेत निष्ठा, कार्यशीलता आणि सामाजिक बांधिलकी यांचा संगम क्वचितच पाहायला मिळतो. मात्र जावळी तालुक्यातील भाजपचे सध्याचे अध्यक्ष संदीप परामणे हे नाव या सर्व गुणांचं जिवंत उदाहरण आहे. बांधकाम मंत्री श्रीमंत शिवेंद्रसिंहराजे भोसले यांचे कट्टर समर्थक म्हणून संदीप परामणे ओळखले जातात. राजकीय कार्यकर्त्याच्या भूमिकेतील त्यांची निष्ठा, त्याग आणि झपाटलेपणा हा तालुक्यातील सर्वसामान्य जनतेच्या मनात ठसा उमटवतो.
घराण्याची परंपरा – जनतेशी नाळ जुळवणारी
संदीप परामणे यांचे वडील कै. प्रतापराव परामणे हे माजी मंत्री अभयसिंहराजे भोसले यांचे अत्यंत निकटवर्ती होते. जावळी-महाबळेश्वर बाजार समितीच्या स्थापनेपासून त्यांनी दिलेलं योगदान हा आजही तालुक्याच्या विकासाचा पायाच आहे. या वारशाचं भान ठेवत संदीप यांनी आपलं राजकीय आणि सामाजिक आयुष्य घडवलं. राजघराण्याबद्दल असलेली निष्ठा आणि शिवेंद्रसिंहराजे भोसले यांचं नेतृत्व यासाठी त्यांनी तन-मन-धन अर्पण केलं आहे.
कार्यकर्त्यांच्या हक्काचा नेता
भाजपच्या कार्यक्रमांची प्रभावी अंमलबजावणी, बूथस्तरापर्यंत संघटन बांधणी, आणि कार्यकर्त्यांना सक्रिय करून भाजपच्या विचारधारेचं रोपण करण्याचं काम संदीप परामणे यांनी यशस्वीरित्या केलं आहे. त्यांचा म्हसवे जिल्हा परिषद गटातला कार्यकाळ हे त्यांचं नेतृत्वगुण सिद्ध करणारा टप्पा ठरला.
सामाजिक कार्याची खरी जाणीव
नेहमीच गोरगरिबांच्या पाठीशी उभं राहणाऱ्या संदीप परामणे यांनी “समर्थ फर्निचर” या व्यवसायाच्या माध्यमातून अनेक गरजूंना मदतीचा हात दिला. सोमर्डी गावात अभयसिंहराजे भोसले यांच्या नावाने उभारलेली अभ्यासिका, स्पर्धा परीक्षेच्या पुस्तकांची सुविधा, आणि नेताजी सुभाषचंद्र बोस वाचनालयाच्या माध्यमातून दुर्गम भागातील वाचनसंस्कृतीला चालना देणं – या कार्यांनी त्यांनी समाजमन जिंकलं आहे.
राजकीय मैदानी लढवय्या
संदीप परामणे हे फक्त संघटक नाहीत, तर मैदानी लढवय्याही आहेत. वसंतराव मानकुमरे यांच्या मार्गदर्शनाखाली संदीप यांनी राजकारणातील प्रत्येक घडामोडीत तळागाळातील माणसांना आमदार शिवेंद्रसिंहराजेंशी जोडण्याचं काम केलं आहे. ही भूमिका अत्यंत जबाबदारीने पार पाडणं हीच त्यांच्या कार्यक्षमतेची साक्ष आहे.
वाढदिवसानिमित्त गौरव
आज संदीप परामणे यांच्या वाढदिवसानिमित्त संपूर्ण जावळी तालुका त्यांच्या कार्याची आणि निष्ठेची दखल घेत आहे.
त्यांच्या रूपाने भाजप पक्षाला एक कणखर, अभ्यासू, कार्यक्षम आणि जनतेशी जोडलेलं नेतृत्व लाभलं आहे.
“कार्यकर्त्यांच्या मनात असलेलं नाव, विरोधकांच्या चिंतेचं कारण, आणि जनतेच्या विश्वासाचं प्रतीक म्हणजे संदीप परामणे.”
वाढदिवसाच्या मन:पूर्वक शुभेच्छा – तुमचं कार्य, नेतृत्व आणि निष्ठा अखंड झळाळत राहो!
– इम्तियाज मुजावर
